مستحيل أنساك ياذرب الطبوعي
ياشبيه سهيل منزل وارتفاع

لايغرك خاطري تحسبه جزوعي
همي مثل الريح وعزومي شراع

مسكنك مابين حدبان الظلوعي
انقرا المكتوب بعيوني وشاع

الگرامة السامية تحكم طبوعي
وحزني المكبوت والبسمه قناع

سكرة الملتاع في كرهي وطوعي
تجبر الأشواق قدر المستطاع

عزتي تغتال بالمحجر دموعي
بين حرص وبين هجر وألتياع

والخيار الصعب في بعدي ورجوعي
صدي غربة روح وفِي قربك ضياع

كبريائي هو معذبني وخضوعي
والغلا ياشوق مايشرى ويباع

بعدكم گ الجمر في قلبي يلوعي
مثل لوع الروح قبل الانتزاع

وترحل الآمال وتذوب شموعي
خانت الأحلام في ميتم وداع