ظننت العمر بيكون احلا مع الأيام
ولكن وجدت بخيبة الظن ما شقاني

خيالي بنى قصرٍ جميلٍ من الأحلام
ولا حدٍ سبق تشيّد مثله .. ببلداني

اشوف الظروف المقبله ترسل الأسقام
وأنا قد بلتني من قديمات .. الازماني

اصارع مع الأيام في مجاهد الآلام
وصبري لو قدر ينطق يمين الله لابكاني

ضعف شوف عيني والفكر ساهرٍ مانام
كتومٍ صبورٍ عايش العمر وحداني

يناجي إلهٍ .. فوق سابع سما علام
على ماجرى في داخل القلب وادماني

هو الواحد الآمر هو مصدر الاحكام
ولا غيره .. اللي بالمقادير .. له شأني
كلمات
غزيل سعد_الملتاعة