تلقا به افكاري ممرات ومسير
ومع هاجسي مابين سلم واستلم

اعيش به احلام واتعشم مصير
واحيان خدي فيه من دمعه ثلم

احيان امله كنه الا زمهرير
واقول ليت الطرف من همه سلم

واحيان كني في فضا جوه اطير
حيثه بخافي خافقي وحده علم

يعني كذا لوكان احيانٍ مرير
الليل عشقي حيث هو فيني ملم

ياكم حملني واتضح صدره كبير
انا وهمي وابيض اوراق وقلم

ليلي غدا لاسرار قلبي مثل بير
من قال ابو الاسرار والله ماظلم

محمد الحربي
ابوشامي