(البــــدع)

مرت الايام ما شوف لك ظهور
طالت الساعات وطال الانتظار

يا أمير. الغيد. يابدر البدور
ياقمر.في الليل ياشمس النهار

عني ما تسأل ولا ناوي تزور
مدري غفلة منك او هذا قرار

يانسيم الفل ياكاذي وخطور
لو غلطنا. بحقكم هذا اعتذار

الحمامة حنبت آغلى الصقور
طاح في محناب مامنه فرار

ابو سند /احمد يوسف غازي

[الــــردود]

الغياب اللي ما يعقبه الحضور
ويش اسبابه ويش اللي فيه صار

كان في الخاطر على ودك قصور
فالمحبه كم بها ظالم وجار

والخصومه اللي تعدت للفجور
ما لها في واقع العاشق مدار

والكسور اللي لها عندك جبور
ليه تترك غيرك لفرصة جبار

والصقور اللي على القُمري تدور
شافت شباك الهوى فريشه عثار

💥الهـبير،،،

العُــمر يمــضي عــلى خــط العبور
وكُل يوم ارقى العواطف في مسار

الهـــوى يشـتاق لآحـــضـان. الزهور
مثل ما انا اشتاق لشوفك بإختـصار

لا قــلاع وابـراج ولا داير و ســـور
لا حــــواجــــز لامــــعابر. لا جـــدار

وللتـــواصل بينـــنا شــــيد جسور
خافقي واطـفى بجوف الصدر نــار

فيــكم مُـــغرم بالشعور واللآشــعور
يا ذهب صــافي نقــي بآعلى عــيار

شــــايف الحــــرارة

جيت احيي مولفي بصوتٍ جهور
وأسألك ياصاحب الدار العمار

اخبره ساطي وله قلبٍ جسور
والوفا والصدق له دايم شعار

يبتسم وان شافني يبدي سرور
ينتقي اعذب كلامه باختيار

بنت حشمه وكنها من نسل حور
لؤلؤه من عمق قيعان البحار

تشبه انوار القمر من فوق طور
والشعر ليل وعلى متنه خمار

الشاعر الشريف حمد العبدلي الهاجس ❤️ 🌿

صاحبك زعلان له عدة شهور
فأنت تدري وانت تعلم بلي صار

ماودنا نظهر ونكشف الأمور
ويش اللي سويت ف أرض المطار

انكشف حبك انه بهتان وزور
من الحديث اللي تبين بختصار

قد هدمت ماتبقى من الجسور
فأنت هرجك قد اجاء مولع وحار

كنه من البركان حامي يثور
ماينفع يكون لمن حبه شعار

ابو خالد المحزري

ياهلا براعي القوافي، والسطور
الحبيب اللي عليْ، دايم يغـار

يوم جاني أنتشت كـل الزهور
والفرح زاد الغـلا والنوم طار

ياحبيبي يابعـد كـل الحضور
واجب،، اني لك، ارد الاعتبـار

ما نسيتك لا ولا منـي قصور
كل مافي الامر ان الوقت جار

صاحبي، خابرك ان قلبك صبور
وش بلاك اليوم غيرت المسار؟

اطمئن مازلت في قلبي تدور
وفي حنايا العوج لك مسكن ودار

مرام- بنت البادية