على التمامى  شــــاعـــــــر

• مواليد 1281992 ــ مصرى كلية الحقوق جامعة الاسكندرية

• باسرة محامين المستقبل فى كلية الحقوق جامعة الاسكندريه
  عضو جمعية الفن والفكر بالاسكندريه
  ـ عضو مهرجان شلال الحرف السكندرى
  ـ عضو باند رسايل بحر

  ـ حصلت على المركز الثانى فى الشعر على مستوى كلية الحقوق جامعة الاسكندريه 2012
  ـ حصلت على المركز الثالث فى منتدى الشعراء على مستوى طلبة جامعة الاسكندرية 2012
  ـ حصلت على المركز الثانى فى كرنفال فلمنج الثالث (المهرجان الثقافى لكليات جامعة الاسكندرية 2012)
  ـ حصلت على المركز اول فى الامسيه الشعريه التى اقيمة بين طلاب المدن الجامعية بالاسكندريه 2013
  ـ حصلت على المركز اول فى حفل المواهب الفنيه فى كافة فروع الادب بين طلبة المدن الجامعيه بالاسكندريه 2013

  ـ حصلت على لقب (شاعر الحب والوطن2013)

  ـ اخيرا( اميـــر شعــــراء جـــامعـــة الاسكنــدريـة 2013)

  تكريمى عدة مرات للمشاركه فى الامسيات التى اقامتها ساقية الاسكندريه
  تكريمى للمشاركه فى مهرجان شعراء العرب فى نادى اصحاب الجياد بسموحه

  ـ لى ديوان مشترك باسم (ألم واحد)
  وان شاء الله التانى الخاص بى عن قريب
  ـ لى العديد من القصائد الوطنيه والاجتماعيه والرومانسيه ومجموعه من الاغانى
  × من اشهر اعمالى
  ــ قصيدة (بنوته )
  ــ قصيدة(متدمعيش)
  ــ قصيدة(مضمون الحكايه )
  ــ قصيدة(ندى الصبح)
  ــ واغنية (ام الولاد)
  وحاجات تانيه غيرهم كتير
  × لى لقاءات كتير ع التليفزيون
  × وشاركت فى العديد من المهرجانات والندوات والامسيات الشعريه
  وطبعا ده خلانى اسافر اماكن كتير جدا.
  ــوبحب القعده ع القهوه مع اصدقائى ونقول شعر ويا سلام بقى لما العود يبقى معانا .

  ودى صفحتى الشخصية الوحيده على الفيس بوك

  http://www.facebook.com/pages/الشاعر-على-التمامى/414555038632732
  ـــــــــــــــــــــــ
  " الحمد لله على كل شىء "
  ــــــــــــــــــــــــــــــــــــــــ
  تحياتى الطيبه
  على التمامى
  ـــــــــــــــــــــ
  من كليمات الشاعر على التمامى
  قصيدة مضمون الحكايه
  ــــــــــــــــــــــــــــــــــــ
  وعشقك المحتل جوفى
  شىء خرافى ميتحكيش
  من قبل ما اوعى ع الحياه
  كان بين ضلوع .........
  جدى العجوز ومحستيش
  وبوصمة الطين ع الجبين
  تكتب قدر...............
  ان الرساله لجل توصل
  يفنى حياته عشان تعيش
  علمنى احبك وارسمك
  واذاى اضمك واحضنك
  رغم الوجع
  وانى ....اصون الوعد ليكى
  مهما لوعودى خالفتى
  وانى ....اشتريكى بغلو نفسى
  مهما بعتى
  وانى .....اثور ع الظلم
  لو من خوف سكتى
  وانى .....افديكى بروحى
  لجل ما تنولى الحياه
  وان ....امد الايد لعونك
  رغم كونك رافضه يدى
  وانى اعدى
  بيكى للبر البعيد
  والمستحيل خاضع لودى
  فبلاش بقى تستغربى انى اجن منك !
  وانى حابك غصب عنك
  هو انتى ليه دايما بتنسى ؟
  انا مش بمنِّك ؟
  انا اللى غلبت المحن
  سافرتلك عبر الزمن
  والثوره كانت يوم عشان هذا الولد
  فاستغربى ..........!
  لكن فى يوم راح تعرفى
  ايه معنى ثائر كان جبان
  شاف ان ارضه بتغتص
  مقدرش يوهبها الامان
  حطم قيود الصمت حلمه
  فانفجر بركان غضب
  وكانه للنار كان حطب
  سجلى الان اعترافى
  بدون مقابل بعشقك
  دايما بصليلك
  ...............وبدعيلك
  ........................واسبحلك
  ..................................واقوم ليلك
  على جمرك وانا حافى
  وف عتمته يكون اعتكافى
  اياك تخافى فى يوم وانا
  موجود على وجه البصيره
  يطول هتافى يا مغرمه
  لو حتى فى الشهقه الاخيره
  اياك تخافى
  لما شلت الاخ ينزف فوق كتافى
  ماهمنيش انى اعيش من بعدها
  كان كل شىء بيهمنى
  انك تعيشى وقتها
  فصلتلك م الحوف قميص ضد الرصاص
  واما ابتدى حبك يثور
  فليسقط الصمت اللى ساكن
  جوه منى من سنين
  من قبل ما تجبنى الظروف
  قضيتى عمرك ليل حزين
  فيبقى ليه قلبك يخون ف الامين ؟
  مش كنت انا الحابى بارضك !
  وكنت انا الحامى لعرضك !
  انا ف عرضك
  تحسى باللى فى ارض كُفرك كان نبى
  وبلاش بقى تستغربى !!!
  الحلم ان الشمس ترجع بالوعود
  الموت حقيقه فى دنيتك
  مع ان مضون الحكايه
  فى دنيتى انك خلود
  د اللى عاش عمره بيعصى
  قبل ما الاعمال بتحصى
  بالاكيد ممكن يتوب
  يابلادى لو كنتى ابتلاء
  فانا لازم اكون ايوب.
  ــــــــــــــــــــــــــــــ
  الشاعر على التمامى

  
  

  القصيده الثانيه

  قصيدة/متدمعيش
  ________________

  لحظة ما وجهتى الكلام
  متعشمه الجنه فى قلبى
  اذاى تراهنى............
  تبنى لى دنيا ف خيالك
  ولو حكيت انا ع اللى بيا هتعرفى
  احضانى مش شط التمنى
  فمكنش لازم تعزفى لحن اللقا
  وانا شخص مجهول الهويه
  معقوله يا طفلة امبارح!
  اعقلها اذاى قلبك يعشق
  ولسه انتى ماتعرفينيش
  استاذنك لحظة سمع
  احكيلك عنى مجملى
  انا المسجون فى الذكريات
  ملاقيتش سكه فى الودع
  انا الكئيب الممتلىء حبات وجع
  اتملّكوا كل اللى فاضل فى الوجود
  والحزن محتل اتمرع
  جوايا روح متكسره فهيكل ورق
  رافض خياله بانه يرمح.........
  ويكون بطل
  كومبارس كونه بيحتضر
  رغم الحياه
  بتبث مصلها بين ضلوعه
  فاتلخصت احلامه جايز
  وهم ملعون الحقيقه
  ومازال بيتمنى الرجوع
  للى في يوم كت حضرت
  مجنونها لكن .......
  رافض انه ينصرف
  سابت ايدها فرّطت واتجبّرت
  وبرغم انها
  مابقتش شايفه ف عينه
  غير سرداب دموع
  اتمردت.......
  قلبه اتنزع
  سافر بلاد المجروحين الكاظمين
  وبالاكيد رافض شبع
  فالاشتمال عايش ولكن
  سنين الحزن فى التكوين
  اتسكنت كل الاماكن
  والعتمه عشقت وحدته
  فهاودينى........
  بلاش منى
  الامر اخطر م الخطير
  وانتى تستاهلى امير
  والحب لازم فيه مبادله
  وانا الشيخوخه ملكتنى
  يا زوليخة العصر الحديث
  انا مش حلمك الخالد
  انا مش يوسف الاحلام
  انا المبهم
  وم الماضى مانيش بسلم
  فسامحينى
  لابد ابعد واعيش وحدى.........
  فاطردى لحظة لوقانا من وجودك
  وابدئى لحن الرحيل
  عن ارض مكبوته قوى
  بتضمك ضمة الخايف على حسك
  ومصره انها تمنعك........
  هوانتى ليه بتدمعى؟
  علشان حكيت!
  متدمعيش
  ماهو كل شىء فى الكون له سر
  ما يتحيكيش.
  ــــــــــــــــــــ
  الشاعر على التمّامى
  
  

• الشاعر على التمامى