بين الامل والياس غبات وبحور
الموج عاتي والسفينه تحادي
كل الخلايق نبض واحساس وشعور
والحال تفرق فأختلاف المبادي
دنيا الخفا تمشي على الدور بالدور
خطوه بخطوه ماظهر منه بادي
الهم والاحزان والظلم والجور
والهجر والحرمان نو البعادي
أحد" رسم همه على عش عصفور
كنه صغير السن ماصار عادي
واحد"يعيش الضيم في ساق مكسور
من كسر ساقه ماعليه اعتمادي
واحد" يلم الحزن في داخل الزور
واقف على الدنيا حيال المحادي
دمع الألم يجري على خد مقهور
والعين تبكي من قصار الأيادي
ياأمة الضاد الوضع لازم الشور
روح التسامح فيه قو اتحادي
الطيب والرئفه على الخير مسبور
تقوى من الله خيرها خير زادي
العمر رحله بين قوسين محصور
إﻻ عمل خالص لرب العبادي
الحال ما يحتاج للحال دكتور
ماعاد فيها غير دحر المعادي
اخوكم .. الشاعر احمد الشامي