السيره الذاتية للشاعر عبد الناصر رجب كامل عبد الناصر رجب كامل •

السيره الذاتيه عبد الناصر رجب كامل عضو اتحاد كتاب مصر 2013

 21 يناير، 2013 إلى الوقت الحالي الشاعرعبد الناصر رجب كامل ولد فى محافظه القليوبيه سنة 1971

 عضو نادى أدب قصر ثقافة بنها إصداراتى ستة دواوين الأول طعم الأيام الثانى حبيبتى يامصر الثالث

 علشانك الرابع همس الجراح الخامس لمسة حب السادس عيون ناصر السابع قلب المرمر عضو جمعية

 مبدعى الغد عضو رابطة الزجالين وكتاب الأغانى عضو رابطة شعراء العاميه بمصر عضو رابطة

 الكتاب والمثقفين العرب الجوائز/ أول شهادة شهادة تقدير فى الشعر العامى من معهد شبلنجه الدينى 1985

وذلك بعد الحصول على المركز الأول على مستوى المحافظه والثانى على مستوى الجمهوريه شهادات

 تقدير من العديد من المهرجانات التى أقيمت فى القاهره والأسكندريه والغربيه من 2010 حتى

2013

************

من الديوان السابع قلب المرمر

دلوقتى بتفكر

دلوقتى بتفكر وتقول بقى نسينى

وترتّب الأوراق والخوف بيكوينى

لا تتوه مع الزحمه وتسيبنى لأنينى

كان لازم أبعدها عن حضنى وسنينى

إحنا ف زمان الصعب مش كل حب نصيب

يمكن عشان نفسى أعيش على اليا نصيب

بس النصيب قرّر عن نفسى لسّه بغيب

دلوقتى بتقول مات جوّاه حبيب العمر

مش شايفه إنى بعيش على ذكرى تسوى العمر

ياحبيبتى مش بقدر دى إشاره منّك أمر

مش هحكى عن شوقى ولا خطوه من حسنك

ولا كلمه مشتاقها ولا خط من رسمك

يكفينى ألاقيكى فى منامى أبتسمك

دلوقتى بتفكر

كلمات /عبد الناصر رجب كامل  

**************************

من الديوان الرابع همس الجراح

ومنين أجيب أمى

ومنين أجيب قلب يواسينى

غير أندهك ألقاكى جنبى

ولمين يكون فرحى وحنينى

 وانا بسمعك جوايا لبَّى

الشمس تشرق من جبينك

والفرحه باينه فى العينين

لو أندهك مابتنسينيش

 لو جيت صرخت بتقولى فين

وتطيَّبى بإيدك جراحى

 وبحضن دافى مالى الإيدين

إنتى فين وحشانى يامَّه

واحشنى حضنك أنا كلى ملكك

محتاج أنا حضنك دفا

لو ترجعى أنا عمرى مااشبع

وانتى على كتافى ف صفا

والمروه بيزيد فى النَدا

 لو توصلوا لسبعه كفى

حالف أزيد من لهفتى

 وعمر قلبى مااكتفى

إنتى فين وحشانى يامَّه

يامَّه اسمعى إسمك غنايا

لو جيت ضحكت تبقى معايا

وان جيت بكيت يبقى لفراقك

وان جيت عطشت تبقى سمايا

يللا امطرى سيل باشتياق

 يللا امسحى جرحى وأسايا

من نظره من عينك بلاقى

 الحزن داب تحت الرحايا

إنتى فين وحشانى يامَّه

كلمات/عبد الناصر رجب كامل

*********************