زمان التخلف راح يجتاحه التغيير
عسى للتسامح فيه ومضه من اسراجه

تنوع طوائف دارنا ترفض التبرير
لِفكر التشنج لو يبرر تشنّاجه

زمان الخلافه مانهج منهج التهجير
خلافة حديث الدين للدين محتاجه

نشوف التطرف يمتهن مهنة التزوير
لأن العقيده عندهم حيل منعاجه

بذبح الحريم وزج الأطفال بالتفجير
ترا يكرم الإسلام ماهي ب منهاجه

نبي مثل ابن عباس يعطيهم التنوير
نبي حجت(ن) في حجت الزور فجاجه

نبي نلغي الحجه مع الشرح والتعبير
ونبي ننتصر للحق ونعلي سياجه

ونبي ننصح وننهض بعدها سوات الزير
ونبي نقطع ارقاب(ن) مع الكل رجاجه

كفا نرتضي فكرن نشازن يخلف السير
شياطين ب فلاذ المخاليق زجاجه

نوينا بعزم الله على النصر والتحرير
بجيش(ن) لأجل الدار ترهبهم افواجه

جيشاً سلاحه مصحف الله والتفسير
يفسر كتاب الله ماسيس إخراجه

محمد راشد البدري