ايه التقينا عقب غيبه من اسنين
واقلوبنا هي تالي الحب طافه

جابتنا الصدفه وصار القا بين
عشاق والهفه تبين ابشغافه

وصرنا نسولف في غرام المحبين
وايام مرت عقب جاء انكسافه

والعابرين اتشوف والدمع بالعين
مشهد حزين ومنكسر في لطافه

قلت الجروح اكبار واقلوبنا دين
وكسر المشاعر مانداري خلافه

دام الفراق ايحين من دون تخمين
صرنا نحس ابعالمه وابطوافه

قالت احبك كلمتن مالها دين
تكسر قلوب الناس عند اقترافه

حنا نخوض الحب والتجربه لين
تطلع نتيجة حبنا بالحسافه

قلت القلوب اتحب والناس خافين
والـكـل مـنـا مايقـول اعـتـرافـه

من قبل لانطق جاوبة دمعة العين
وحاولت اغطي دمعتي وانكشافه

قالتلـي الصدفـه دروبــه على وين
قلت العمر في غيبتك شي تافه

انـا مـثـل طفـلٍ دموعه سكاكيـن
وانا مثل موج ابتعد عن ضفافه