الشاعر ناصر الشفيري

( اسافر عنك لك )
تعالي وقفي في وجه ياسي لو دقيقة صمت //

تعالي ضقت واجروحي قديمة والبلاء اسبابك **
وصالك مزن واغيابك مزون اتسيل مهما شمت //
ربيع الشوق باقي جيت ولا غبت يحيابك **
حسافة كل ما مديت كفي طيب ما سلمت //
تجاهلني وانا اقرب لك من اهدابك الى اهدابك **
وانا من بيّن اهلالك عن اوصال الغواني صمت //
فطرت اغيابك القاسي وانا متسحر احرابك **
وشف قصرك غدى مرتع عيون اهل الحسد والشمت //
سكنه الهجر واخيوط العناكب شبكت بابك **
بساتينك عصفها قيضك اللي كل ما يممت //
ابزرعها تشح بها مزون الوصل بغيابك **
اسافر عنك لك قدام عيني وين ما عزمت //
واشوفك والمسافة تنتهي فيني على اعتابك **
متيم فيك رغم اني على درب الفراق اسلمت //
تيممتك حنين وصلت اشواقي بمحرابك **
خيول الياس لا غارت علي يا صاحبي درهمت //
الا يا قربها مني .. ولا يا مبعد أركابك **
اشد من الجفاء وبدنى مضارب وصلكم خيمت //
غريب أركز عمدها , وانت دايم تقطع اطنابك **