شهد العمر
فى صبح يوم طالع مندى بالامانى ...
من عيون الكون ... لبحر صباك .
.. وردة نسيم ايامك الطالعه .....
من بستانين الربيع
...ومن اندهاش القرى..
. بطلعة الولد النبى ...
من عب ريف السكك ...
ندهة ليالى المدن ....
- صيف اشتياقك للحكاوى - ...
عنب البراءة وبرتقان الابتهاج ...
من سنين غابره لحد الاغتراب ..
...عناوين بتاخدك من صعيد الشعر لدلتا الامنيات
... بناويت بتكب اسمها على موج هواك ..
احاسيس تطير .. وعبير يحط ..
تصاوير وضى ..
حليب امانى
من سما طيب الصحاب والاولي
.. ليل الربيع
..مكن المزارع .
. شجر صفصاف وبر .
. وشط بحر اليوسفى
بيندهك فى الفجر .
. الليل مراودك للدلال .
. والعشق ساحب طرف حسك
من اغانى الفلاحين البكر ..
بين عطفة فؤادك
طفل بيلملم اغانى الصبح
ويلون ورود العصارى
بفرحة امه الطيبه
وضحكة حبيبتة فى المدى
لوش النسيم اللى طالع
بشهد العمر ..
Copyright©2016 All Rights Reserved
