-
ابسكوتك حيّرتني ...
============
ابسكوتك حيّرتني ...
هذا طبعك ليش ؟
وانته ابغير دمعه
امبجّي اعيوني !!
يطيف افراكَ ...
وايلوكَ المعاتب بيك
واحجي اويل خيال
انته امخلّيني !!
اضحك للهوه
تره جتال ... والهم
ولحد الان
رمح الهم امأذيني !!
مكابرمااطخ الراس ...
واحجي اهموم
واضحك عل شماته ...
البيهه سابيني !!
اذبحني !!!
اعله ياقبله انته اتريد ...
وبرّد نارهجرك
واحركَ اسنيني
يبلسم للجرح
مرود كحل للعين
خايف من تكحل العين
تعميني !!
يريحان الجرف
ياسعد يانعناع
انه ابصبير سبخه
ازرع بساتيني
قاسي !!
وياطبع هذا المأثر بيك ؟
سكوتك من رضه ...
لو زعل ياعيني
ياعنبر شتاله !!
وبردي وسط الهور
ويعود الخيزران
ولابس ارديني
ناعور الوكت
دار ابشمال الريح
ابشته وابليله ظلمه
الشوكَ راميني
بيّنلي وصل
لو هجر هذا البيك
محتار ابسكوتك
لا تخليني ؟؟
محتار ابسكوتك
لا تخليني ؟؟
Copyright©2016 All Rights Reserved
