وأصداء قافي هزت اركانهم هز
غلبتهم في ضرف مده وجيزة

خيوط الحرير تحوكها دودة القز
وأهل الشَّعر ماقيموها بـ بيزة

والشعر الي في سبته خافقي فز
قد قالها شخص(ن)تميز بميزة

بقلم الشمرية المجهوله

———————-

الي لها في ذروة المجد مركز
نفس لها من كل عليا خزيزة

وانا اعرف اطول الهرج واوجز
ولكل شخصية بعرفي ركيزة

والخيل تعرف كل من لزها لز
وشيخ العرب يعرف ويعرف لزيزه

والصقر يفرق في طياره عن الوز
والنار كلٍ يتقيها ببيزه

والشعر له ميزان والنقد ينجز
ماينكره بعض العقول ويجيزه

الشاعر الكبير والناقد
عبيد الرسلاني

يبني بيوت العز من ينشد العز
مهدوم بيت ب.ون ساس وركيزة

يا صاخر بيوتك مصاديرها بز
والعجز قفي خاتمته العزيزة

كيفن على جمر الغضاء غير ياقز
من يعشق الاول كره كيف قزة

عبدالله عباد البقيلي

ربعك لهم تاريخ ابيض ومرتز
رزت جبال" شامخات" ركيزه

والشعر ماهو. راس مال" وينعز
إحساس .في قلب المعنا هزيزه

واللي يحوف القاف لاصار مبتز
قصده ينال الفوز .نفسه حزيزه

شعري كتبته وأنا بالحيل محتز
النفس ضاقت من ..أمور" لزيزه

محمد الثوعي