علام شعار العرب اضرموا النار
في نبتة الكلمه وصارت ضحيه
ابو شامي الحربي
🙈🙈

كثرة يابو شامي علي كل الاشوار
وكلٍ تفلسف بين هذي وذيه

واللي عجز يشري ولو ربع قنطار
صار المقيّم بين عشره وميّه
الجويعد
حطو لهم قفل على باب الاسوار
وتمركزوا على اللتقاط الاذيه

المبدع الفنان خلّوه غوار
وغوار صار الطيب والشاذليه
الجويعد
اركد فديتك خل من يضرب الطار
ماني مصفق له ابد ابيديه

في وقتنا للدار ياخوك مزمار
ماكان يحلا وصار مافيه زيه
ابو شامي الحربي

الشعر ضايع في مطبل وسمسار
واهل الدرر مايشترون الرديه

الظاهر اني بعت انا الدار بالدار
بلعب مع اهل السامري سامريه
الجويعد

عليك عنزت القوافي بمعيار
وانت الجزيل ونار الاشعار حيه

في داخلك للشعر ياصاح مقدار
وفي داخلي للشعر نظره بريه

لكن عموما للشعر سيف بتار
لو حاولوا اهل الردى به اذيه

يبقى منارة للعرب تالي انهار
واسلم وسلم والمعاني نقيه

ابو شامي الحربي