يقول من يحضر في اوقات اللزوم

والمرجلة يدخل لها من بابها

لاحدن يُقول الوقت زين الوقت شوم
هي الفعال اللي تِزِين اصحابها

القرم لامن جاته الجودة يقوم
والعوف لامن جات ما يرضى بها

والمحترم ياتي بزينات العلوم
وِنْ غيَّبَتْ عنّه يخذ باسبابها

والعز ما يحتاج تدفع له رسوم
واهل النقا ماتستعير اثوابها

راياتهم مترسخة فوق النجوم
قال المثل ((والنار من شبابها))

صقر الخلا يعرف مواقيت الهجوم
واصحاب مكة يعرفون شعابها

من حقي اتباهى بنفسي كل يوم
وعزوتي من حقي اتباهى بها

حنّا تعلمنا من الناس القروم
اللي تكافح ماتلين رقابها

لاضاقت الايام فـ الدنيا نصوم
وِنْ جاتنا بالخير ياحيّابها

والمسألة خذها على وجه العموم
لاتامن الدنيا وتتوكى بها

ماشي فرح فيها على حاله يدوم
ولا تكشّر دايماً بانيابها

قد ربما تشمس من اوساط الغيوم
وتشن من حث ماحسبت حسابها
------------------------
#عبدالرزاق الكميم
اليمن
2021/12/9