سلام لااصحابي عساهم يدومون
اهل الوفا والطيب للعهد صانوا

والواحد المعبود به يستعينون
وانا موحّد مثلهم لا استعانوا

ماهم بنقّآلة حكي من يقولون
وان قالو قولٍ واضح مااستكانوا

الا لرب العرش ركّع يصلون
وخشّعٍ لله مايوم خانوا

هم في المواقف للأمانه يؤدون
وباالرجال الكفو لا مااستهانوا

وان اوعدو بوعود كفوٍ يوفّون
ولو تلين جبال شمّخ ما لانوا

ان مانو عنا يوم انشهد يمونون
عندي مواقفهم تشرّف لامانوا

شيوخ قوم وفي المساجد يؤمّون
وعند قول الحق لا مااستلانوا

ان قامو في لازم للازمك يقضون
بأفعالهم لابين الجد بانوا

تدرون من ذولي ومن هم يكونون
اصحابي الاخيار يوم كنت كانوا

الشاعر الشريف حمد العبدلي الهاجس