ياعين لا تبكي حبيبٍ مفارق
يمكن يرده تالي الوقت يمك

دامه نسى ودك وبالهم غارق
بذمتي محد من الخلق ذمك

للحب بقلوب المحبين فارق
هذا بعيد وذاك يجري بدمك

بعض النفوس كنها الصبح شارق
وبعض النفوس بالحياه ما تهمك

منهو سرق قلبك فلاهو بسارق
لانه حبيب ومن يحبك يلمك

وابعد عن اللي يطرقه كل طارق
دامه بعيد عنك ولا هو ابن عمك

ما كل براقٍ من الشرق بارق
احذر من اللي لو تغافلت سمك

واقرب من اللي فارشٍ لك نمارق
لا قابلك من فرحته قام ضمك

هذا اللذي حبك ترى حب خارق
دايم معك وساكنٍ وسط كمك

✍️ عبده محمد القاضي لبونبيل