سحر احمد :-

يا مرحبا باول سطور المحاريـــف

يوم(ن) تباريح الكتابه دعنـــــــي.

وظفت فيها المفرده خير توظيــف

..تقدير ومزون القوافي خذنــــي.

للشاعر المعروف من دون تعريف

..مني لابو بندر هلا بك وثنـــــي.

امجد الصخري:-

هلا وغلا بغيوم جتني مراديـــف

.غر(ن)بها برق ورعدها يدنــــي.

تمطرمطرتسقي فيافي معاجيف

.من شاعره جزل المعاني نصني.

هلا بسحر ترحيبة معزب الضيف

الي دلاله هيل مقدور بنــــــــي.

سحر احمد :-

يازين فنجال بيمينك على كيــــــــف

.ساق(ن)لموضوع(ن)هجوسه تعني.

عن ناس عجزت عن هدفها مناكيف

.وتنكر وصول الناجحين بتجنــــــــي.

قصره كشف لانياب حسده مشاحيف

.مرض فشل وسواس فيهم يزنـــــي.

امجد الصخري :-

نعم صدقتي للنميمه سواليــــــــــــف

وعجزه على الناجح حروب(ن) تشني.

ممارسة تضليل بالكذب والزيـــــــــــف

وحنا وياهم للفروسه نعنـــــــــــــــي .

كل المنابر مشرعه للمواقيـــــــــــــف

ما هي حكر لصوات به يصدحنــــــــي.

سحر احمد :-

صدقت في تصوير واقع له مخيــــــف

مضمارها لا صايله يطلعنـــــــــــــي.

وبرنامج المليون ما يقبل ضعيــــــف

يوم القصايد للنقد يخضعنـــــــــــي.

الزرع ما يحصد وهو طالع مهيـــــف

يترك ورى حصادته مستكنــــــــي.

امجد الصخري :-

هذي حقيقة بعض شتاية الصيف

الي تعيش احلامها بالتمنـــــــي.

ولا انا وغيري مطر وارضنا ريــــف

شعر مواهب بالدرر ينضمنـــــي.

ما قولها كبره وانا بعالي منيــــف

متواضع(ن) لكن بيوتك حدنــــي.