(على الكتاب وشريعة خير الادياني)

نبي نســافر يافهــد يــم عمٌــاني

,,,,,,,,,, للديــره اللــي يســـر القلــب طاريّه
ثبـت لي الحجـز تكفـا لاتناسـاني
,,,,,,,,,,, علـى خطــوطً يابــو مشـعل كويتيّه
لاعفش معيٌه ولا محتـاج ميـزاني
,,,,,,,,,,,, الا الجــواز وشــنطــةً دبلوماســيّه
مجبور اسـافر لها والقلب عنـانـي
,,,,,,,, واليـوم صــار الســفر حــاله ضــروريّـه
ماتل قلبي سوى مدعوج الاعياني
,,ـــــ,,,,, تـل الرشـا يافهــد لاقفـت سـوانيّه
تركـت انا لجــلها من هـو تمنـاني
,,,,,,,,, نفسي جزت عن جميع البيض موليّه
وضحت لك غايتي ياذرب الايماني
,,,,,,,, بالمختصر عـقــب صـبرً قيـــٌد ايــديّــه
نويت انفــذ اعهودي والعمر فاني
,,,,,,,, وتـدري حـرار العــرب ما تخلــف النيّه
على الكتاب وشريعة خير الادياني
,,,,,,, ماهــي سـوالف بشـر بالكـذب مبـليّـه
مير البلا رخصتي ياطيـر حــوراني
,,,,, ماتشفـي اجروح وسط القلــب مخفيّــه
والوقت ضيٌق وانا ياخوك عجلاني
,,,,,,, ونفسي ظمـــاها شديـد ونارهـا حيّـه
بنخاك انا دون ماانخا فلان وفلاني
,,,,,,,, ولاينـخـي كـود رجــلً فيــه غـــاريّـــه
وابـــي اتحــرا ردودك قــدر الامـكانـي
,,,,,,, ماقـــول تكفـــا لاجل ما احرجـك موليّه
ابــذل اجهــودك معي ياطير حـوراني
,,, ,,,,,, ولي هقــوةً بك من الشكات محميّه
حـرً تصيب الهــدف تصويب نيشاني
,,,,,,,,,,,,, حـــرً وفيــك مــن النواديـر مــاريّه
حرً اتنومس خــوتـه وانــت شـملاني
,,,,,,,, مـــن لابــةً يافهــد هــــم عــزوةً ليّــه
وياشين حظي يافهد كان ماعطاني
,,,,,,,,, وجهــه وعيٌــا وقفّـــا مـافطــن فيٌـّــه
ونفسي عنيده يافهد طول الازماني
,, ,,,,, مــاهينها دام جســمي فــوق رجـليّه
حيث الزمان الذي نعتاش بـه خـاني
,,,, ,,,,, وفيه المشـاريه يابـن الناس ممـحيّه
شـــرواك ابنخــاه من بدوً وحضراني
,,,,,,, ,,,,, وليا زبنت العرب حـاجتـك مـقضيّه
اعني هل الجاه والمعروف والشاني
,,,,,,,,,,, رجــال المـواقف تبيــٌن حــزة الهيّه
وليا نخيـت العـرب مـانـي ابنــدماني
,,, ,,,,,,,, يرتـاح قلبــي واخـفف من بــلاويّـه

محمد بن سوعان الربيٌع