عرار:

حرام ياسارق قلوب البشر سرق
والشرع مايحكم علاك بجريمه
مخلوق انا ماشفت مثلك من الخلق
مجمعه فيك المزايا العضيمه
الخد نوره يشبه انوضة البرق
برقاً برق فوق الديار المحيمه
ورموش عينك يوم يطرقبها طرق
تهزم شيوش(ن) ماتعرف الهزيمه
وماجبينك مثل شمس(ن) من الشرق
صافي سماها ماطلع فيه ديمه
والموت كل الموت في رزت العنق
وعضام جسمه كلها مستقيمه
وفوقك جدايل تحرق اهل الهوا حرق
ليل(ن) مايسري فيه خيال ريمه
ناديت فوقك قلت ياطيب الخلق
انتي منين وفي ديره مقيمه
وكررت ماقلت وانا عارف الفرق
بيني وبينه فرق ماني غريمه
لاني وسيم ولامعي مال يغرق
انا على ماقيل تدقه قديمه
وجاوب بصوتاً فيه بحه من الحلق
بحت دلع والا علومه سليمه
وقال ابدوي مجنون ماتعرف العشق
والبدو دايم فاالمحبه غشيمه
قلت البدوماتعشق الا من العمق
لاتدعي فوق البدو باالظليمه
واقفا وانا قفيت مع مفرق الطرق
انا الشهد ان الزين كله زعيمه