الشاعر : خليل بن هدلان
..................................................
الله خلق والله فرق في عبيده
والكل منهم له مناهيج وطبوع

راعي العقل يسعى وراء ما يفيده
وراع الجهل يسعى وراء كل ممنوع

والعرف نهج للعقول الرشيده
والطيش كم ضيع من الناس مقلوع

ولو ان الآراء كل أبوها سديده
ما صار بين الخلق تابع ومتبوع

والهرج للي ينقله وش يزيده
مدام يبنى له من السوء مشروع

ما كل مسموع علومه مفيده
والصمت في بعض المواقيف مسموع

وكلٍ يصيد وكل طيرٍ وصيده
على حسب هدته بالكم والنوع

والحر ما يرضى يصيد الزهيده
لو تعترض قدمه وهو ضايمه جوع

ضاري على صيد الجزال الفريده
من مخلبه لا هد عشى له جموع

وطير الفلس عسى المنايا تصيده
لا نافعٍ نفسه ولا منه منفوع

ومن لا يحوز الطايله في رصيده
اصعب عليه النعم من حبة الكوع

وش عاد لو عمّر سنينٍ مديده
حيٍ وكنه ميتٍ قاصر البوع

احد يساوي من فعوله بديده
واحد عدد يحسب من حساب مجموع

والهون زرعٍ ما ينومس حصيده
ولا يهان اللي به العز مزروع