‎خالد مقداد‎ تاريخنا - وكالة أنباء عرار بوابة الثقافة العربية ::: مؤسسة عرار العربية للإعلام.. #عرار العرب ولكل العرب .. معا من اجل ثقافة عربية موحدة وانفتاح على الثقافات المختلفة في الوطن العربي والعالم

‎خالد مقداد‎ ****** تاريخنا ***
سبحان ربي مغير الاحوال
وطن الكرام الصيد شو صابه
الهر صار بارضنا رئبال
وقفوا كرام الناس عبوابه
غنوا على اشلائنا موال
ونام الاباة وفي السجن غابوا
وصال النذل فوق العرين وجال
ومنه الكماة الصيد بيهابو ا
احنا اللي كنا مضرب الامثال
كنا نذل الاسد في غابه
غطت جماجم امتي الاوحال
وال بكتبوا تاريخنا خابوا
سجن ومباحث قرصنه واغلال
والمرء صار يخاف اصحابه
باعوا الوطن في منصب وبالمال
ما همهم مسرى ولا قبابه
ذبحوا البلاد وقطعوا الاوصال
ضاع الوطن وتبدل ترابه
الحق ما بيرجعه انذال
بدو اللي بيصونه باهدابه
شبعنا مع الايام قيل وقال
غالي الوطن غالي على اصحابه
مهما علينا ثقلت الاحمال
واطفالنا من هالظلم شابوا
الوطن بدو صيد بدو رجال
ما في وطن بيعز بكلابه

دخول الاعضاء