انـكـســار
شعر
ناجى عبد المنعم
-------------------------
رضعت المر من صدرك
ما قلتش لأ
شربت الذل من نيلك
وجف الدم فى عروقى
وانادى لك
يطفى العصف فى عيونى
قناديلك
وانام واسهر كما العاشق
يعد نجومك الفضى
ويتقلب على الجنبين
يا مين انتى ؟
يا مين كنتى ؟
لا قلبك كان فى يوم قلبى
ولا قلبى كمان يقدر
يكون قلبك
-------------
من ديوان - نوبة جنون -
الهيئة العامة لقصورالثقافة
سلسلة ابداعات - 2000
للشاعر ناجى عبد المنعم
--------------
Copyright©2016 All Rights Reserved
