يابنت
-
يابنت ياللي ماستر راسك الشال
وبزعمك انك من كبار العوايل
انا بقول الحق والحق ينقال
اللي تستر هي بنت الحمايل
ماهو في كشخه وخاتم وسلسال
الستر لعيال الحمايل دلال
يابنت لو قلتي لي المهر بدينار
والله فلا اعز عليك السلايل
والله لا خطب اللي على رأسها جلال
لوكان مطلبها ثمانين حايل
انا ليا مني خطبت ابغي عيال
ابي العيال اللي تشيل الثقايل
وليا خطبت اختار لعيالي الخال
والدين عندي هو سيد الفضايل
قالت قسم ماشفت رجال
مثلك بغى حجر السنين الاوايل
قلت الصحيح يصح لومرت اجيال
ركب الكدايش غير ركب الاصايل
ماهو بذنبي ما عرفتيلك رجال
ذنب الزمن خلا النشاما قلايل
ولاني بلا رجعي ولا جيت خيال
ولا شايلن سيفي وصايل وجايل
انسان متعلم ومن ناس عقال
وفتحت عن نهج الحضارات فايل
انا حضري ماني بنازل ورحال
لو ان ربعي بين السهل والجبال
وانام في بيت ومكيف جنرال
واسوق سياره وعندي موبايل
ترا البداوه فعل ماهي بالاشكال
والسلم مانرضى عليه البدايل
ونقيت لي من الذود دق وجلال
الطيب لاهل الطيب يبقاء ولا زال
ولاشفت انا عقال السناعيس ميال
غصب عليه عقال راسي يتمايل
Copyright©2016 All Rights Reserved
