الشاعر عادل عثمان الحجار
من الشبـَّـاك
من الشبـَّـاك
=======
من الشبـَّاك ..
بتتأمل
تشوف الدنيا كالساقيه ..
تـِـدُور بالكل
تحاول مرًّه تسمعها ..
بتنطق بالورود والفل
وياخساره ...
مازالت دنيا دوَّاره
بتكسر شيش !
وتجرحنا من التهْـبيش !
سنين عايشين مابين الناس كما الدراويش ...
بنتأمل
ونتألم
وساعة نبتدي نحلم ..
يَـدُوب نحلم نلاقي العيش !
*****
من الشباك ...
لمحتك وانتِ واقفه هناك ..
تنادي الكل
تنادي الضي تقوليـله :
تعالى وطل
قمر واقف ورا الشباك
وبيصبـَّـح :
صباح الفل .
عادل عثمان الحجـار
===========
|
|
|
||||||||||||||||||
|
|
||||||||||||||||||
  المشاركة السابقة : المشاركة التالية 
 |
|
|
|
|
Copyright©2016 All Rights Reserved
