وهذي هي الدنيا تجي مستجدّه
تلقى بها المازح وتلقى بها الجاد

قصة حياة ومننا مستمدة
ويلزم لها تنفيذ وإخراج وإعداد

عشنا على كفّ القدر فوق يده
الله خلقنا عباد ونفنى له عباد

ولا حاصل للحي ما كان ودّه
ولا حاصل للي يموتون ميلاد

ويكفيني أنّي من ظلّوه الموده
ومالي مع الخسران بالدين مقعاد

وإن جتني الغفلة علي أوقات شدة
أصبح لها صداد والقلب صداد

حامد زيد

حيا بشاعر جزل طالع لجده
وفي الشدائدكفوماشي له انداد

من المنامة مرحبا لين. جده
بهجس شاعر بالقوافي له ابعاد

يا. نفس كوني. دائمأ. مستعده
ليوم ك 50 عام محددبالاعداد

ما تنفع المذنب و لا الف. نهده
و لا الزمن يرجع و لا يوم ينعاد

العمر. يفنى. و. البدن. ما يهده
غيرالسنين ذي دربهاالمستمرجاد

يفنى مع. الانسان مزحه. وجده
و قوته شف عنتره إبن شداد

والرزق مثل الموج جزره و مده
جاهل ملك وصاحب الفكر حداد

فلا يغرك بالقمر ورد. خده
يذبل ويحتاج العصا دعم واسناد

و من اتى محتاج لك لا تصده
اعطيه بطيبةنفس والرزق يزداد

شايف الحرارة