عدن على دربي وانا ساري الليل
ما اروى ضماي ولاكسبت السلامه

مثيل من يسمع سوالف مهابيل
وشلون يلقى للفهامه علامه

يالله طلبتك من دروج المقابيل
في ثوب جنبن خالقي مع عمامه

ويالله في سود الليال بقناديل
وانحر ليا من جيت دربٍ ظلامه

المجلس اللي قهوته قيلٍ وقيل
من جاه روح والنتيجه ندامه

وعسى متوني من عنا الوقت ماتميل
وعسى ذلولي ما أضيع خطامه

ودوا كلامي وافين يامراسيل
وصحوه راسن غارقن في منامه

وعساي ما اجني غير حلو المحاصيل
واسلم عذوقٍ للعتب والملامه

قدمت فنجانٍ وزودت به هيل
اللي يساق لشاربه في تمامه

ابوشامي