بودّي اضمك بين الاضلاع ملتاج
وودّي احسك بين الاضلاع ممتد

طيفك اشوفه من ورى الناس لعّاج
يبرق كما سيف المنايا ليا انمد

و اليا نطق صوتك تحت مبسم العاج
يرتدّ صوتي من علا عالي الرد

نادت حبيبي و امزج علاج بعلاج
و قمت اجمع اشتاتي ورى فايض المد

و اغنّي بليلي على تالي اسراج
ويلي على وصلك أيا ناعم القد

و ادخل على اللي سيّر الناس حجاج
ساس الخليقة كِلَّهَا و عدَّها عد

الشمس في عيني ورى لحن الامواج
ترسم خلي البال والشوق يرتد

و اذكر عديل الروح في رسم الاحْجَاج
كنّه جناح الطّير والطّير منهد

الليل شاله و ابرق البدر هرّاج
والرمش من جفنه على الخد يمتد

نوره يجيني و اعتلا الكون وهّاج
تلبس عباة الليل والليل منهد

عطره حضنّي و نَسّج الكف نسّاج
كني انا الممسوس من لمسه اليد

بكرٍ تكبّر هَدّم القلب غَنّاج
ماله سواي بهالبشر يعشقه حد

لَنّي احبه واول الحب لجّاج
و ان غاب عيني بصافي الدّمع تشرد

و هدّت حياض الموت والموت مخراج
من حالةٍ كِنْهَا على الموت تبرد

حالي بعدها صابها الروح معراج
يومٍ غيابه شوّق الروح و اشتد

#حسن_الخمعلي