بعض البشر ماعندها فكر واحساس
عاشت ولكن في غياهب جهلها

مايعرفون الطيب والصدق بُلّاس
اهل الهروج العوج ربك خذلها

واللي جعل علم المطاليق نبراس
فعل المراجل من جدوده نقلها

يستاهل التقدير ياحيّ هالراس
يصعد على القمه ويترك سهلها

محمد الثوعي

الصبر زين وله حدودٍ ومقياس
والمشكلة دايم تعود لأهلها

من لايعرف الطيب ماهو لنا ساس
والقال ويا القيل يثبت جهلها

والقرم شرواكم ياعليّة الناس
والله مانرضى رجالٍ بدلها

تستاهل وسام الرجوله مع الكاس
واهل الكرم لمقابل الطيب ولها

*عبدالرحيم سعيد الحارثي

*الناس معادن تختلف و انته الماس
شاعر و اعلى مرتبه قد. وصلها

قال المثل الناس انواع. و اجناس
و. كل قومأ. تفتخر. في. دولها

الكفو ما. يوصل بفقره. للافلاس
و ان جارت الاثقال بعزمه. حملها

و لا يصل مهما حصل يوم للياس
دواء نفوس اهل الوفاء من عللها

شايف الحرارة