يا كم سهرت انظم لصدرك قلايد
و لا فيه موعد ما انتثر به قصيدي

الله لو شفتي فصوص الفرايد
لا ما انقطع في ركن منسي وريدي

القاع يفرش بالصور و الشرايد
نوادرٍ كانت طموح لنشيدي

اهوي و ترفعني وعود و عوايد
حتّى غرق في بحر نزفي بريدي

ما فيه عذرٍ ما جعلته وسايد
لاحساسي الدامي و بيّح رصيدي

و ما فيه حلمٍ ما احترق بالوقايد
بخّرت وهمي من لهايب رديدي

تنعاف خطوة ما وراها فوايد
كفيل هالواقع يقرّب بعيدي

ما عاد تغريني ورود الجرايد
و ما عاد يبنيني تهاوي مشيدي

وفي غيبتك ما عاد عندي جدايد
من يجمع حطام القديم لجديدي؟؟

محبوب فهيد