ياعاقدٍ حاجبك بالله على ايش
تعقد حجاجك والغضب مالي الراس

دقات قلبك مثل دق المهابيش
ياشايل الضيقه ومخنوق الانفاس

للهم في صدرك كتايب وتجييش
لا باسصور  من هذا الزعل الف لاباس

الدنيا ما تسوى تجي نافش الريش
ولا ينفعك كثر التعالي على الناس

الكل في الدنيا ضعاف ودراويش
والناس في الدنيا معادن واجناس

والرزق في الدنيا بروس المناقيش
مهما جمعت المال تخرج بالافلاس

كانك تبي الراحه وترتاح وتعيش
قابل عباد الله بسنون واضراس

خليك متبسم وفي الوجه تبشيش
لا تعيش متجهم وغاضب ومحتاس

وخذ الحياه بكل بساطه وتطنيش
لا تصير من هذا ومن ذاك حساس

ولا تشيل هم الرزق او كيف بتعيش
الرزق مكتوب ومحدد بالاقواس

واللي رزق طيره بوكر وبعشاشيش
قادر على رزقك بلا حد وقياس

ومن عاش بالحيله بكذب وغشاغيش
يموت من فقره ويشرب من الكاس
.............
شعر
حسن بن قاسم قحل