رجلٍ يجي لك في نياته مسير
ورجلٍ يجي لك فيه همِ وحسرات

ورجلٍ ليا حدث .. كلامه يحير
ورجلٍ كلامه .. فيه حلو العبارات

ورجلٍ ضعيف النفس دايم صغير
ورجلٍ تشرف وقفته في العسيرات

ورجلٍ ليا جيته .. ماهوب خير
ورجلٍ على الهقوات قاد المسيرات

ورجلٍ مع العربان .. عايش حقير
ورجلٍ ليا شفته تشوف البشارات

ورجلٍ ليا .. صادفك دربه يغير
ورجلٍ يرحب ما حسب للخسارات

ورجلٍ بودك .. تدفنه وسط بير
ورجلٍ بودك .. ترفعه للمجرات

منه يشوف حاله .. وطبعه تغير
ينظر بحاله قبل .. جر الحسافات

✍️ عبده محمد القاضي ابونبيل