ممنون كلي بعد والنفس لك شاكره
عطيتني درس واحد في زمنّا صحيح

لو راح كل العمر في موقف ٍ فاكره
اللي انكوى بالغدر مازال قلبه جريح

من ينتظر حل ما يلقاه في باكره
يموت حلمه ويصبح في زمانه كسيح

ناس ٍ كريمه وناس ٍ بالفعل ماكره
تظهر وجيه ٍ خبيثه في قناع ٍ مليح

نزلت في وادي ٍ مجهول انا ناكره
صوت الافاعي لها بين المسايل فحيح

اللي وقف في طريقي اليوم باعاكره
القلب صامل وراس العز لا مايطيح

من قال هذا الشعر مجنون من حاكره
ليته درا عن جروح ٍ في ضميري تصيح

اشياء كثيره صور محفوظه بالذاكره
وابيات شعر ٍ كتبته بالنبط والفصيح

محمد الثوعي