حتى بيوت الشعـر عيّـت  تبينـي

أحيان اداوي غربتي بدمـع  سيّـال

 و احيان نفس الدمع بيح  كنيني

أضحك وقلبي ما لقى أي مدهال

 أضحك واقول الضحكتي أعذرينـي

بين الفرح و القلب أميال و  اميـال

 و بين الحزن و القلب شبـر ويجينـي

غريب ادوّر لي على أية ظلال

 تعبت انادي يا مدن ظلليني

 متوشح الذكرى على كتف  الاطلال

 أمشي على رمضا الصبر يـا عوينـي

 في غربتي هالنفس في وقت الاهوال

 تبيعني بالرخص ما تشتريني

النفس وسط الجسم في صفّ  الانذال

وشلون برجي عقب  نفسي  ضنيني؟!

 الجسم ناحل و الفكر شـارد البـال

 ما غير اسامر طيف ماضـي حنينـي

عشت المصاعب ليث للموت  شيّـال

 أرقد على جرحي  وغدري  عرينـي

وعرفت أميّز بيـن الاحبـاب عـذّال

 و بين العواذل خـلّ مجنـون  فينـي

 ودايم أقابل جاهـل النـاس باهمـال

 أهمـل يبـان الفـرق بينـه وبينـي

@alateeqy

assmt.com