|
|
|
|
عرار: الشاعر اللي تواضع ما يجيبونه يبغون شاعر غروره يسبق ابياته ويزين الوجه مكياجه ومعجونه ما يهم شعره يهم اشلون شعراته وان شاف نور المصور طلع سنونه وده يذوب ولو بنتٍ ببسماته دايم يدور على مزه و مزيونه ويتصنع الحزن لجل تحب دمعاته وان شاف بنتٍ تقول: الله يا عيونه يتخرفن القلب تتلخبط عباراته وفي صورة العرض يحضن له صغنونه يثبت حنانه يبي تضبط علاقاته ويختار نكه (سليفر) لا تلومونه يبغى يزخرف لبعض الناس نكاته وان قال نكته تقول انهم يعزونه ما تميز الضحك من عبرات وناته يا ثقل دمه ينكت، ما تمجونه؟ ولا عشانه حلو نقبل تفاهاته هذول ربعه مع انهم ما يدانونه بس اضحكو له يبون تزيد مداته يعرف يهايط: أنا جدي يهابونه وتزيد من نعرته حمرة كريماته والمشكله لا بدا يغني من الحونه من ثقل صوته تقول يعيش سكراته واليا افتخر في حكاياته يحبونه لانه ذكر كاس عشقه مع خياناته وشلون سوى وكيف يعيش بجنونه وهذي لمسها وهذي تعشق اهاته اللي على روسهم بطحا يعرفونه حسس على بطحته تعرف وقاحاته لا تسألوا كيف حال الشعر وشلونه حنا السبب دامنا نطعن مرواته لو للشعر عين بيح كل مكنونه وسالت حروفه تشكل نزف طعناته اللي تواضع بشعره ليه تجفونه الشعر يبكيه قبل يقول كلماته ما يكتب الشعر، روحه تنثر شجونه وتحس في كلمته من صدق نبضاته الحبر دمه إذا كنتم تحسونه يتقشعر الجلد لما يسكب ابياته الشعر روح المشاعر يوم تقرونه أرواحكم تمتزج بالروح في ذاته للشعر قيمه وشيمه لو تهينونه يرحل ويحفظ شعوره باحتراماته الشعر قرب رحيله كان تبغونه ردوا لهذا الشعر بعض اعتباراته وسلامتكم الكاتب:
اسرة التحرير بتاريخ: الأربعاء 13-11-2013 07:15 مساء
الزوار: 2060 التعليقات: 0
|
Copyright©2016 All Rights Reserved
