س.ممكن تعرفنا على نفسك ؟

على التمامى ــ مصرى الجنسيه ــ اعزب
مواليد 1281992ــ بمحافظة البحيره ــ وانتقلت الى الاسكندريه لاكمل تعليمى بكلية الحقوق جامعة الاسكندريه
وبعد حصولى شهادة الليسانس من كلية الحقوق جامعة الاسكندريه اسعى الان الى حصولى على الدكتوراه فى القانون من  نفس الجامعه   ـــ كنت احب الشعر من صغرى واقرا الشعر الفصيح والعامى وكنت احيانا ادون خواطر فى اجندتى وبعد ان انتقلت الى الجامعه بدات اكتب شعر واشارك فى مسابقات الجامعه وبدا ظهورى فى الجامعه  باسم الشاعر على التمامى

س.شاعرنا القدير التمامى خبرنا عن مشاركاتك والمسابقات التي شاركت بها ؟

(عندما كنت بالجـــامعه)
ـ اسست مع اصدقائى اسره فى الكليه تمارس النشاطات وتخدم الطلبة وكنت مسئول النشاط الثقافى بها

ـ حصلت على المركز الثانى فى الشعر على مستوى كلية الحقوق جامعة الاسكندريه 2012

ـ حصلت على المركز الثالث فى منتدى الشعراء على مستوى طلبة جامعة الاسكندرية 2012

ـ حصلت على المركز الثانى فى كرنفال فلمنج الثالث (المهرجان الثقافى لكليات جامعة الاسكندرية 2012(

ـ حصلت على المركز الاول فى الامسيه الشعريه التى اقيمة بين طلاب المدن الجامعية بالاسكندريه 2013

ـ حصلت على المركز الاول فى حفل المواهب الفنيه فى كافة فروع الادب بين طلبة المدن الجامعيه بالاسكندريه 2013

ـ حصلت على لقب (شاعر الحب والوطن2013(

ـ حصلت على لقب ( اميـــر شعــــراء جـــامعـــة الاسكنــدريـة 2013(
فى المسابقه التى نظمها اتحاد جامعة الاسكندريه وضمت معظم شعراء الجامعه

(بعد تخرجى من الجامعه)

ـ حصلت على المركز الأول فى شعر العامية فى مسابقة جمعية مبدعى الغد )مسابقة فى حب مصر)(جمعية مبدعى الغد رائدة صناعة مهرجانات الشعر فى مصر2013)

ـ حصلت على ميدالية المركز الثانى للشعر العامى فى المسابقه التى نظمتها ساقية الاسكندريه 2013

ـ تم  تقيمى من افضل 20 شاعر فى مسابقة شعراء العرب للمحترفين اللى نظمها الشاعر جهاد محفوظ على صفحات الفيس بوك

ـ تكريمى عدة مرات للمشاركه فى الامسيات التى اقامتها ساقية الاسكندريه
ـ تكريمى للمشاركه فى مهرجان شعراء العرب فى نادى اصحاب الجياد بسموحه
ــ تكريمى للمشاركه فى مهرجان (تكريم ابطال اكتوبر)
ــوبعض التكريمات الاخرى للمشاركه فى المهرجانات والامسيات الشعريه لدورى فى احياء الحركه الثقافيه
وغيرها ....
**
 
س.درست قانون فكيف توفق بين دراسة القانون والشعر والمشاركات المختلقه ؟

دراسة القانون لا تقف حاجز بينى وبين كتابة الشعر واكثر القصائد كتبتها وانا بذاكر ولا تمنعنى دراستى للقانون من الحضور والمشاركات فى الامسيات والمهرجانات فانا اعمل وادرس  واكتب الشعر واشارك فى المهرجانات والامسيات الشعريه .

س.شاعر الحب والوطن  ما هو سبب هذا اللقب ؟

**منحنى هذا اللقب الشاعر احمد يحيى رئيس جمعية الفن والفكر بالاسكندريه وله دور بارز فى احياء الحركه الثقافيه بالاسكندريه عندما كنت ضيف شرف فى مسابقه بين طلبة الجامعه  وقمت بالقاء قصيدتين لى واحده رومانسيه واخرى وطنيه

س.ممكن تخبرنا عن بداياتك ومن شجعك وهل للمدرسه دور في تشجيعك ؟

**بداياتى مع الشعر  كنت احب اقراه واسمعه وكنت ادخر من مصروفى لاشترى الكتب  وبالفعل كانت لدى مكتبه  بها كتب ثقافيه كثيره من الشعر والروايه والقصه كل هذا قبل ان اكتب شعر والفضل كل الفضل الى الله سبحانه وتعالى والى امى طبعا التى وقفت بجانبى وصديق ابى الشاعر رضا توفيق كان له دور كبير معى حيث انى كنت احب ان اجلس معه عنده زيارته لنا وكنت دائما احرص على زيارته واستمع الي اشعاره وهذا الرجل كان له فضل كبير حيث انه اول من حفزنى وشجعنى على الكتابه  والشاعر احمد يحيي ضمنى الى جمعية الفن والفكر بالاسكندريه وسلطان العاميه الشاعر جابر سلطان والناقد الشاعر محمد فهمى كل هؤلاء اساتذتى اللى شجعونى على الكتابه و سبب فى تكوين الشاعر على التمامى
**
 

س.اول قصيده كتبتها  هل تذكرها وما كان سببها ؟

اول قصيده كتبتها كانت لابى وسببها اعارضه على بعض التصرفات وعشان يزود المصروف بتاع المدرسه واخبرته امى بها ولكن فضل المصروف زى ماهو مااتغيرش .
**
 
س.هل لديك اعمال غنائيه ؟

**انا لا اكتب الشعر الغنائى ولكن فى الفتره الاخيره هناك فرق  موسيقيه تعاونت معى من اجل غناء كلماتى
واخر قصيده تم العمل فيها "زينه" اهداء الى روح الطفلة البريئه زينه
 
**
 

س.انت اديب ولك كتابات كثيره فماهي اهم المواضيع الاقرب بقلبك ؟
المواضيع الاقرب الى قلبى  من كتاباتى مضمون الحكايه ندى الصبح متدمعيش بنوته الرصيف
**

س.السرقات الادبيه ما رايك فيها  وكيف الوقايه منها ؟

**تحدث كثيرا السرقات الادبيه عبر شبكات الانترنت والمواقع المختلفه وتعرضت اعمالى الى هذا اكثر من مره ولكن بفضل الله يقوم اصدفائى بكشف السارق وفضحه  وانصح الشعراء بتسجيل قصائدهم  والفيس بوك الان يحفظ الحق الادبى للمؤلف بتاريخ نشره .**

 
**
س.قصيدة الرصيف لها صدى كبير  ممكن تخبرنا عنها وعن سبب كتابتها ؟
قصيدة الرصيف من اكتر القصائد اللى بحبها واللى قعدت فتره طويله اكتبها وهى تتكلم عن حالة فراق وعتاب الرصيف ليا فهو بمثابة الضمير الذى يحدث صاحبه .
وهى حالة غريبه جدا كتبتها بعد فراق الانسانه اللى كنت بحبها وشهد الرصيف بينا مواقف عديده فيزكرنى بها ويلومنى على الفراق ويطلب منى البحث عنها .
 
**
 
س. قصيدة  اثرت فيك  ولماذا؟

قصيدة بنوته هى القصيده اللى غيرت مجرى حياتى لانى كتبتها وكنت انوى الهجره من مصر ولكن بعد كتابة هذه القصيده حسيت انا قد ايه بحب بلدى ولازم افضل فيها  وفعلا كتبت بعدها قصيدة مضمون الحكايه
**

س.ما هي طقوسك المميزه عند الكتابه ؟

حالات الكتابه عندى ماينفعش اقولها  او اعبر عنها لانها سر من اسرارى
بس العادى ان ممكن الحاله تاخدنى اكتب شعر فى اى مكان انا موجود فيه فى الشغل فى الجامعه مع اصدقائى على القهوه  لكن بعد كده لازم من الوحده وهنا بقى مينفعش اتكلم عنها لانى فعلا بكون معرف نفسى فى هذا الوقت
**

س.الاعلام والشعراء هل انصف الاعلام الشعراء سبب تغيب عدد من المبدعين عن البرامج الثقافيه ؟

**لم ينصف الاعلام الشعراء لان هناك مبدعين لم تظهرهم الفضائيات ولا الجرايد والوسط الثقافى ممتلىء بحشو وهذا عدد كتير جدا  وسبب الكلام ده الصالونات الثقافيه الفاشله والمجاملات التى تقوم على المصالح  وحب كل شخص لنفسه .**
س.لمن تقراْ ومااخر كتاب قرأته؟

**اقرا فى جميع المجالات واى كتب شعر نثر قصه روايه وفى اى مواضيع لان كل هذا يزيد من مخزونى الثقافى  واخر ما قراته وعجبنى جدا "دنيا سنوحى" و"مموزين"
**

س.كلمه تريد قولها قبل الختام لمحبيك ولمتذوقين الشعر ؟

** انتظرونى فالقادم افضل ان شاء الرحمن  وتابعونى على صفحتى على الفيس بوك
https://www.facebook.com/el.sh3r.ali.el.tammamy

الشاعر على التمامى
**
 
س.كلمه تريد قولها لوكالة عرار للشعر والثقافه والادب ؟

**سعيد من بالمجهود الذى تبذله وكالة عرار من اجل الادب والثقافه والشعر وشكرللحوار معى والله ولى التوفيق
 
**
** بدوري اقدم لك الشكر باسمي وبأسم وكاله عرار للشعر والثقافه والادب
 3يوم من بعد رحيلك
نفسى اجيلك
نفسى تضمينى واحكيلك
عن سر الوجع المتخبى ...؟
وان الناس من حالى بتبكى
هل هتلبى ...؟
هل هتحسى برعشة روحى
لما بدارى الدمعه فى عينى
ياللى سكنتى سنينى البور
كان مستور الواد بــ عنيكى
كت كل جراحه بتدفى
لما يحس بلمس اديكى
غيبتى فى علم الغيب يابريئه
سايباه يسال مين حوليكى ...؟

الشاعر على التمامى
تاني ليالي رحيلك مني
صوتك فيا كانه الرعد
لسه انا حافظ نفس الوعد
لسه بشوفك ساكنه في روحي
وسط ضلوع قلبي المكسور
مين الميت...؟
انا ولا انتي الميت فيكي
لسه انا بسال
فين اراضيكي ..؟
فين الا قيكي..؟
لسه بتقري قصايدي اليكي ؟
لسه.........

الشاعر على التمامى
يامنير.....
البنت السمره بنت (النيل)
جمعتنى بيها أغنيتك(هون ياليل )
و(الناس نامت ) وانا حاير
و(الحلوه ام الضفاير)
قولتلها مره (اتكلمنى )
(احمر شفايف ) قلبها خلانى (خايف ) م الــ(عيون )
وانا (بالحظ وبالصدف )
(علىّ صوتك ) قولها (شىء من بعيد )
(لما النسيم ) (من اول لمسه)
جمعنى بيها هناك فى (كلمه )
قولها (صوتك) عرفته
(قلبى فاضى )
(امر الهوا) لــ تكونى عارفه
قولها يا (ام الخدود) يامنير (حبيبتى )
جايز تفكر فى الكلامك (قبل ماتحلم )
قولها (لو بطلنا نحلم نموت )
وان انا هستنى معاها (الفرحه)
قولها (ابكى )عشان بجد (البعد نار )
واياك يامنير تنسى الـ (الاقرار)
ــــــــــــــــــــــــــــــــــــــــ
يامنير.....
البنت السمره بنت (النيل)
جمعتنى بيها أغنيتك(هون ياليل )
و(الناس نامت ) وانا حاير
و(الحلوه ام الضفاير)
قولتلها مره (اتكلمنى )
(احمر شفايف ) قلبها خلانى (خايف ) م الــ(عيون )
وانا (بالحظ وبالصدف )
(علىّ صوتك ) قولها (شىء من بعيد )
(لما النسيم ) (من اول لمسه)
جمعنى بيها هناك فى (كلمه )
قولها (صوتك) عرفته
(قلبى فاضى )
(امر الهوا) لــ تكونى عارفه
قولها يا (ام الخدود) يامنير (حبيبتى )
جايز تفكر فى الكلامك (قبل ماتحلم )
قولها (لو بطلنا نحلم نموت )
وان انا هستنى معاها (الفرحه)
قولها (ابكى )عشان بجد (البعد نار )
واياك يامنير تنسى الـ (الاقرار)
ــــــــــــــــــــــــــــــــــــــــ