عرار:

ترى العطى يا مدوِّر الجود من قلّ
ولا الغني لو ما عطى يمدحونه
كم خيمةٍ برواقها للعرب ظلّ
وكم فلةٍ ماتحتها الا المهونه
لايغرك الديكور والقصر والزلّ
ياما كريمٍ كرْمَته من ديونه
ياولّ يابعض الرجاجيل ياولّ
حارس عليها للوريث مخزونه
المال هذا عزّ ولا انقلب ذلّ
راحت شوارب وافنت العمر دونه
والبخل هذا بالرجاجيل لاحلّ
بيت المكارم ينقضه من ركونه
والهرج واجد وابلغ الهرج مادلّ
والمعتبر يكفيه شوفت عيونه
هذا الصحيح ولانعمّمّ على الكلّ
وبعض الاوادم زايل الشكّ دونه