دام الــهـجـوس الـجـايـره مـاتـجـارى
تـفـرض على بعض الـملامح تـصاريح

ارفـق عـلى مـن جـاك ضـيق يـتوارى
مـن عـين شـمات الـعرب والنواصيح

والــلـي تــحـرى بـالـسـدود انـهـيـارى
جا يستجيرك لاقضى الصمت ويبيح

يــالـيـل جـيـتـك والـمـشـاعر تــدارى
واحـلام فـي صـدري كـثيره ذوابـيح

وان ضــاقـت الـدنـيـا بـعـيـني نـهـارا
اجــيــك والــقـمـرا تــزيـد الـتـبـاريح

اجــــيـــك ادور لــلـعـنـيـد اعــتـبــارا
انــسـان مـايـقوى مـلامـه و تـجـريح

وان كـــان هــمـي بـالـظلوع يـتـثارى
سـن الـحراب وشـرح الـصدر تشريح

جـيـتـك ادور فـــي فـضـاك الـمـسارا
ضـيـعـت بـيـبان الـرجـى والـمـفاتيح

إطـــوي تـنـاهـيد الـقـلـوب الـحـيارى
واحـفظ سـكونك لايـجي فيه تلميح

واضـفي عـلى بعض الجروح الستارا
قـبـل الـفجر يـعلن رحـيل الـمصابيح