رجلٍ تباركه السما جاك محروس

صرنا معه في موكب العز سامين

ما نلتفت للخلف ناموس ناموس

( والله لو ان الموت له رجل وايدين )

كان اعترضنا له ولو يطلب نفوس

هذا قضاء الله ( والله راضين )

لكن جسدنا ما تعود على الدوس

صرنا يتامى ظلهم بيت من طين

لهم طقوس وحزنهم ماله طْقوس

يارب ما عدّت علينا من سنين

أحزان تنخرنا مثل نخرة السوس

ويا طلّةٍ سودا ( بعشرين عشرين ) 

يهيج فينا الحزن ويصير ملبوس

يارب صبّرنا على قوة البين

يطيح كل الشعب إذا طاح قابوس

عبدالحميد الدوحاني

( قابوس في قلوبنا )

11 يناير 2020