عونك الله قام يبدر لي من الحالات بادر
في بلادي يتعب العساس من وافر حياها

ياركوب الخيل وأ لٱ من خيارالعيس هادر
رحلة ن يطرب لها الهاجس ويا حيا نباها

يستبيح افجوج ربي حيث هو ناوي وحادر
إيتفنن في سهلهاة وإيتباها في سماها

هيجني لي يا عفاريتي و هللي يا نوادر
إجلي اهمومن قظت فيني ولا ربي خذاها

حي نفحات البوادي حيها والجو نادر
كيف تكييف القصور يعيش من طاري هواها

عشت في دنياي حاليها وشميت النشادر
وانثنت فيني عواصفها وحدتني بٱذٱها

كم رجال وكم نسا كانو لخدمتهم كوادر
يحشمون ويكرمون إديارهم يذري ذراها

يوم جلسات الفرح بوجودهم والكيف خادر
خير من ناسن تجاملني و يزعجني نداها

ماتوا الغالين حتى لو نبادر وش نبادر
راحت الميمه و سجل وقتها قصة شقاها

مادريت إن الليالي غادره و الوقت غادر
لين طاف العمر عن خمسه وخمسينه طواها

صرت حتى للمدن والشوشره ماني بقادر
حي نفحات البوادي حيها وأسعد بقاها

ارجعي بي للورا والذاكره وارد و صادر
تختلف فيها العلوم و يتفق فيها غثاها

طهريني من عنا أتعابي و عاصيها يغادر
أمنية من يكره اتعابه و لا ينشد وراها

. سعد بن مسفر الشمراني