عاشق"درب العلا كاره"درب الطمان
وافي وصافي ومن عاش به ما يهجره

يرتكي مايشتكي حمله و جور الزمان
يبتسم لو ترتسم دمعته في محجره

الوطن في داخله اشبه ب صوت الاذان
دايم"صوته معه وان نكر دمه انكره

الولا يهل الملا ماهو ب كلمة لسان
نبتة"دم تنسقا بالنواظر مزهره

والاهل مثل الوطن حبهم فرض وضمان
مانساه الا ردي مات ما حد اذكره

والاخو عز و ذخر حتى لو قلبه جبان
الظهر يوم أن ظهر جرحك و بان اظهره

والهوى ما له دوى لاأنجرح قلب الامان
شجرة"واغصونها بالافاعي مثمره

خلها في خلها لوهي ب صورة جنان
حيلة"وامحيلة"من أمنها تذعره

خل لك لو خل لك يضرب ال عشره ثمان
لو تهب ريح الزمن ماتحركه اشعره

هالخوي دامه كفو غلطته كبوة حصان
جضها ثم غضها عين جرحك واعذره

والردي لا تقربه مثل عود الزعفران
لو حمل لك الحمل ك الحمل يوم انحره

شاعرن لا من قنص ما قنص غير السمان
يشبعك بيته تقل بكرة" امحمره

وشاعرن لا من قنص انتقص شعر" وشان
ماظفر له غير في ارنبه امجدره

يا حمد والعمر رحله وحنا ف امتحان
من كتب خير" يره و ان كتب شر" يره