الاوله هي طاعة الرحمن والهادي الحبيب
والوالدين اشفق بهم لا عجزوا والراس شاب

والثانيه بين اخوتك مخطي ولا وحدك مصيب
والثالثه قول الردي لا خــيـــر في وجــه الغراب

واختار من بين الرفاقه صاحب الحكي الاديب
واحذر جليس السوء واعرف خيرةالجلسه كتاب

واسٲل مجرب قبل ماتسأل من الطبه طبيب
شوف الوقايه خير من صرف المهدي والشراب

واقنع بماساقه لك المولۍ قدر والا نصيب
شوف القناعه كنزها غالي ومرفوع الجناب

واذا وصل محتاج يبغۍ دين لا ضنه يخيب
قد ربما ساقه علۍ السلفه ضروفه والصعاب

واذا تدينت اقض ديانك في الوقت القريب
وان كان ٲخرت القضا شوف الرضى نفس الجواب

واذا وعدت اصدق بوعدك لوبها قطع الرقيب
واعذر وسامح.. وانتبه من خان في وعده وعاب

ولاتكبــر..عند شخــصٍ بادلك عــــزه وطيب
ولاتواضــع..عـــند مولى الكـــبر لوهيب وهاب

واذا حكيت اعرف وش المعنا شف الكلمه تصيب
شوف اول المكيال حبه واول المطره ضباب

واذا نصحت انصح خفۍ او عل نصحك يستجيب
لا تنصحه قدام عين الخصم والناس القراب

واذا بغيت الشور شاور صاحب العقل اللبيب
وان قلت رايك لاتصر انه يجي عين الصواب

واحذر تحش..احذر تغش..احذر تنافق او تعيب
واحـذر تذم.. احذر تنـم الناس في وقت الغياب

والمزح لاتمزح مع الجاهل.. ولا من هو غريب
ولا مع شايب ..قده بالظغط والسكر مصاب

وامزح على مبداء كلام الطيب كشخص الغريب
مزح اللسان اجمل من اليدين ذي تخلف عتاب

ولاتسولف في عروض الخلق... والخالق رقيب
وامـرح ولاتجرح ولاتسرح مع هرج الخراب

والمشكله فاللِيِم لبطاء ما العنب يرجع زبيب
ما الليم له وقته ولو بـاتعـصـره يصـلح شارب

ذا قيل ذي قد جـرب الايـام واحـسب ياحسيب
واحسب حـسابك يانـظر لعيان واتقن بالحسـاب