حلاتك كالبحر تاخذ وتعطي خير
ولا همك سفن همك بتتسمر

وروحك شجره و قلبك ظلال اعصير
تجي حولك طيور الحب واتعمر

تبي تفرح؟ف عيش الدنيا مثل الطير
يغني للملا لو عشه اتدممر

تبي تاصل لحلمك؟لا تخاف وسير
وساير وقتك واصبر لاتتذممر

تكببر؟شوف غير الله يظل اكبير؟
تواضع!تسكت الاه وما تتنممر

وخلك لو يخل وعده فخله ودير
خفوقك من قبل حبه ماايتخمر

واذا ترجع على كذبه فصدق اتحير
ويتسلط على قلبك و يتأمر

يحبك من كره من عندك التقصير
ونخيل الهيم دون الغيم ما تمر

كبير الهم!!اذا شفته بعين اصغير
وكسر الروح لو ظمر ماايتظمر

وطن منفي سكن فينا بلا تفكير
عمتنا دخنة آماله ولا جمر

ولو هدمو مساجدنا و دور الدير
يهل دمع السماء ووجهها حممر

واذا شمر جفت حايل لقيت العير
على حايل تدرهم واتركت شمر