يمّه يااحلى ماكتب
قلبي وخط اسمك غلا
تطفي براكين الغضب
لا شفت زولك يا بعدي

هالكون ماحوله ملا
في غيبتك مابه حلا
كلك وفا طيب و صفا
صوتك دفا وقت ابردي

يا ريحة الجنه معك
قلبي ولالحظه سلا
حاضن غلاك ويتبعك
حضن الوفا قلب اجودي

صوتك وطن في غربتي
والهم معاك اتزلزلا
بك تندفن كل حيرتي
يا جنتي من مولدي

يمه يا أوّل عشقتي
دربي وغيرك ما تلا
تفداك روحي دنيتي
قلبي و بنتي و اولدي

يا بعد قلبي سلوتي
يا عل منّك ما خلا
يا تاج راسي قدوتي
يا عيد عمري واسعدي

يا قارئة همّي يزول
الهم لو قلتي هلا
يا ورد يا عبق الحقول
و راحتي عقب اجهدي

متربعه عرش الحنان
و كلك احساس و ولا
يااجمل هدايا هالزمان
و بلسم الجرح الندي

ايضيق بي كل الفضا
لا من زعلتي يالغلا
امي رضاتك من رضا
ربي و من هانك ردي