ماعاد اعاتب طعنة الليل للنور
ولا عاد ابي اسمع رجيت ولقيتك

انا يمينك ماني ب كف مبتور
اكسر رجول الضيق لا مر صيتك

وانت بعرش القلب لك دور" وشور
ياامعزب اهمومي حشا مادعيتك

شوفك بيوم الجرح عن الف دكتور
وان صاح جرحك صاح قلبي فديتك

قطفت لك من روضة اشعوري ازهور
ليتك تقبلها تحس في ليتك

يكفي قطيعة عشق مو باجر قبور!
دن الغلا وافتح لي القلب جيتك

وان كان شيطان الجفا معك ناطور
من بارد افراشك لصدري سبيتك

ماعاد بترك يسرق العمر عصفور
وابذرك في قلبي ولو ماحويتك