عن جمرةٍ بالحشا في موقـد اظلاعـي

يمر خنجر خفـي واحسـه بصـدري

واصد حكيٍ يجي لاياصـل اسماعـي

عند المحطة ندهني صوتـي المبـري

لاوين رايـح ؟لأي بلاد..ياساعـي!!

قمـت اتلفـت وادور عـذرٍ لعـذري

وانا بحاجة حضـن أمـي ومرباعـي

انشج وطفلٍ رقد بالبـال مـن بـدري

قـام وتذكرحكايـا الذيـب والراعـي

واهتز جذع الحنين وصحت ياصبـري

اليوم اظن الرجى ماعـاد لـه داعـي

ولحظة لمحت البشر (بشناطها) تجري

يم القطار وتداعـت صيحـة الداعـي

والريح صوته قسى و ْبسمعي يهـذري

وانا احضن الندم واعـض باصباعـي

طرى على خاطري اشيـاء ماتطـري

هو ليه ماحد بكى فـي ليلـة وداعـي

ضعفت وانا الرجل واحترت وش امري

محتاج احْـدٍ يجـي ويشـد بذراعـي

ابكي لأن الوجع ماهوب مـن كبـري

موجوع لان البكا اصغر من اوجاعي