كشفت البير بكفوف الونيني
ذكرت اللي بطيفه ما نساني

ابوي اللي يساوي نور عيني
ومثله ما خلق في هالزماني

حنون القلب و بضيقي معيني
قبل مااحكي وش ابغا منه جاني

علي اشفق من الأم للجنيني
وريث الله في كثر الحناني

ابوي وتاج راسي هو ظنيني
فرح قلبي ..دمع فقده غزاني

نهر عمري بفقده جف وتيني
شحب وجه الدقايق في زماني

تدلي يا دموعي دثريني
يقص برد الحزن عوج المحاني

عهد لاذكره في طول السنيني
واذا بنساه ليت الله نساني