وقامت تدرهم به همومه تدرهام
وبعينه الدنيا وموته تساوي

وقلبه جريح وواقع ف حقل الالغام
واذيابة اوجاعه بصدره تعاوي

يربط جروحه في قماشة تبسّام
وايسد اذانه عن هروج القفاوي

و يوقف جبل ماهزّته ريح الالام
ما تفرج الكربه دموع الفداوي

ويقلط على سجّادته قبل مااينام
وايناجي الله لي غدا الليل خاوي

يمطر عليه الخير وايزود لو صام
ويحصد فرح واتزول عنْه البلاوي

ومن طاحت اعزومه به الياس قد قام
و من عز نفسه تعتزيه الهقاوي

و لولا الجزر ما نعرف المد وان دام
ولولا المسا ماانشاهد البدر ضاوي

والعيد ايش العيد بعيون الايتام
وليل الدفا ما فاد تمر الحساوي

حنّا بدينا نرسم اقدار الايام
امّا سعاده او حياة الشقاوي