ويزداد شوق كل ماهي تلوحي 

تسكبني العبره وينطقني البوح 

وتعانق الصوره ترانيم بوحي 

ترسمني الصوره وترويني طموح 

ويلامس اطراف السحايب طموحي 

لي قلب صادق لاريش العين مفتوح 

ماهو على وصل الحبايب شحوحي 

ي ناس دام الحب عادي ومسموح 

حبه تغلغل في فؤادي وروحي 

والله احبه حب صادق ومفضوح 

حبٍ تكسر عند حده وضوحي

اسج به وتهيم في وصله الروح 

وتطيب في ذكراه كل الجروحي 

اتخيله دايم معي وين ماروح 

في سكنتي. في ثورتي. في جموحي

ارسمه والونه واكسر اللوح

وارجع واجمع من شظاياه لوحي 

كم قلت له مالك بذا البعد مصلوح 

وكم قلت له يكفي عذابي ونوحي 

وكم قلت له مايستوي حب ونزوح 

تعال نبني من هوانا الصروحي 

ويرد في صوتٍ من البعد مبحوح 

ياغالي الاثمان خلك سموحي 

خلك على عهدك وبالصبر منصوح 

لابد من لقيا شذاها يفوحي

علي البلادي - ابو بدر

تم النشر بالتعاون مع إدارة منتدى عروس الشمال