وكانـتْ مدايـنْ مالها ظـلّ واسْـوار
    ...وتْعـوم في  مسْـتنْـقع الجاهليـّة

 بيـْن الْقَهَـرْ والتيْه والـدمّ والـثـّار
    ...عاشـتْ لياليْ  موحِشَـةْ سـرْمديّة

صوْت الرّياح المُرْعبةْ صلـْف ثرْثـار
    ...ينْبيك عـنْ عصْـر الخنا والدّنيّـة

والْـيمّ مِلْحهْ مـاسقىْ غيـْر الاحْجـار
   ...يشْربْ طهرْ حلـْم الزهور النديـّة

ورْد(ن) يموتُ وْتنْجب الأرْض صـبّار
    ...وتْسـيْل فيْ سوْح الظلام الخطيّـة

 واعْجـاز نخْل(ن) خاويةْ ْ تسْـفي اغْبار
    ..فيـْح العذاب وْعجّـة الـمهْمهيـّة

 يوْلـدْ رَحمْ خُبْث الْجهـلْ سـودالافْكار
    ...البنْت توْءَدْ في ثـرى الأرْض حيّة

جَهْـل(ن)تسـكّعْ في حـوانيْت..فجّـار
   ...ثمْل(ن) شِرَبْ كاس البَغيْ  والرّديـّة

 وبيـْن الرمال الْقاحلـةْ تُدْفن ازْهـار
 ...معْها سـموْم الغَيّ  ريْـحهْ  عـتيّة

 ليْن اهْطلتْ سُحْب الأملْ  طُهْر الامْطار
 ...وصارتْ قفار الْأرْض خضْرا عذيّة

 أشْـرقْ وجـهْ رسـولنا  نور الاقْمار
...وبدّد ظلام(ن) شـقّ صـدْر الفضيّة

 طُهْـر النّبي شعْشعْ على كلّ الامْصار
     ...بدّل مفـاهـيم الْحِـمىْ والحميّـة

ياسـيّدي كمْ كنْت جلـْد(ن) وصبّـار
     ...حليْـم روْحـكْ بالتّسـامحْ غنيّـة

مـنْ أجْل ينْجوْن الخلايقْ  مـن النّـار
   ...تحمَّلـَتْ نفْسـكْ هـمـوْم وْ أذيّـة

ومنْ يوْم قـدْ جاك الوَحيْ وانْت بالْغار
   ...روْح الْبشـرْ بالديْن صارتْ ثريّـة

 النـّاس قبْلكْ مشْـركيـن(ن)وكـفّار
    ...حيـاة مـنْ معْنى السّعـادةْ خليّـة

 فيْهمْ وَغَـدْ طاغوْت خايـنْ وْغـدّار
    ...وفيْهـمْ عـديْم الخُلـْق نفْسه ونيّـة

وفيْهـمْ على ظُلْم الْمخاليق دوّار
  ...الناس ذاقوا  منْ  وراه الأسيّة

حتّى بَعَثـْك الّلَـهِ  يالصّادق الْـبار
  ...يـاسيّـديْ للنّـاس أغـْلى هـديّـة

وآنا اتخيـّل هـاك الايـّام محْـتار
 ...نفْسـيْ غَدَتْ للشّـوْق درْب وْمطيّة

فكْريْ رحَلْ منْ نشّوة الرّوح مشْوار
 ...يـمّ الـزّمان الليْ فجوْجهْ بهـيّـة

عصْر النبوّةْ عَصْر الاصْحاب الاخْيار
 ...عَـصْر المحبّة والقلـوب النـّقيّـة

حتّى أسـرْني واقع النّـاس الابْرار
   ...ومـنْ لهْفتي هلّيـت دمْعـةْ شجيّـة

وصارنْ أحاسيسيْ غريْبات الاطْوار
...حدْسيْ زهور وْخاطري مـزْهريـّة

واسْتيْقظتْ منْ نومها روح الاشْعار
 ...ودبّ النبضْ بالمهْجـةَ الْعسْـجديّـة

 وشبّ القصيْد وْفاحت دْلال الافْكار
  ...واسْقيْـت طرْسـي ماتجيْب السّجيّـة

 ليْن امْتلى  وادي قصيدي بالاشْجار
   ...وسـال الْفـرات بْروحه الْجرْهـديّـة

  فيْ مامضىْ كنّا وسـطْ وادي العار
  ...وصرْنـا على روس الجبال الأبيـّة

يـاسـيّدي لدّتْ لنا كـلّ الانْـظار
  ...وامْسـتْ لنا حضـارة(ن) عـالميّة

 قبْلـكْ ولاْ تـاريخ يذْكرْ ولااخْبار
 ...واصْبحْ لنا عقْـب التّشـتتْ هـويّـة

واضْحتْ لنا هيْبـهْ وقيْمةْ ومقْـدار
  ...ويّـاك صـرْنا أمـة(ن) عبْقريـّة

حاشـاك- يللي طيْبتكْ غيم مدْرار
..ما كنـْت فضـاً أو غليض السجيّـة

علّمْتنا كيف الْجَهَـلْ يهْـدم ادْيار
  ..وكيف العلمْ يرْفعْ بيـوت(ن)وطيّـة

 وعلّمْتـنا كيـف الْتسامحْ - ولوْ جار
..أهْـل الْكِبَـرْ والنّظْـرةَ النّرْجسيّة

 وعلّمْتـنا نقـرأ أحاديـث واذْكـار
 ...وآيات تُتـْلى كـلّ صبْـح وْمسيّـة

 ياسـيّدي أوْصيْت بالضّـيف والْجار
   ...وصيّة(ن) ياطيْبها منْ وصيّـة

 وعلّمْتـنا لـوّ انْتـصـدّق بديْـنار
    ...نبـْقىْ بظلّـه بالظّـروف الْعصيّة

 فيْ مـوْقـف(ن) ما للْمَرءْ فيْه أعذار
      ...يفـرّ مـنْ أمّـه وابـوه وْخويّـه

 حنّا ترى ياسيّدي صْغار وكْبار
    ...لَجْـلكْ نبيـْع ارْواحـنـا للْمنيّـة